Fyritøkan JT Electric var stovnað í 1972 av Jóannes Thomsen úr Fuglafiðri. Endamálið var tá at gera el-arbeiði og selja útgerð í hesum sambandi.

JT Eletric veitir í dag el tól till alivinnuna. Marknaðurin er bæði Føroyar og umheimurin.

20 starvsfólk starvast í dag hjá JT Electric, sum hevur høvuðsstøð á Kambsdali.

Fyri 12 árum síðani byrjaði JT at framleiða undirvatnslampur til alivinnuna. Hetta var byrjanin til ein nýggjan markna í útheiminum, sum seinni hevði við sær nógv samarbeiði við útlenskar alifyritøkur og veitarar teirra.

í juni 2002 flutti fyritøkan í nýggj nútímans hølir, ið gjørdu tað gjørligt at økja um framleiðslu- og søludeildirnar hjá felagnum.

Við árunum er fyritøkan broytt frá at vera ein veitari hjá nærumhvørvinum, til at verða ein av leiðandi fyritøkunum í heiminum, hvat framleiðslu av undirvatnslampum og vakmyndatólum viðvíkur.