Føroya Amts Bókasavn, sum seinni fekk heitið Føroya Landsbókasavn, varð sett á stovn sum sjálveigandi stovnur í 1828. Ein av stovnarunum, Jens Davidson, amtsskrivari, virkaði sum bókavørður savnsins til hann doyði í 1878.

Í 2011 varð Føroya Landsbókasavn, Føroya Landsskjalasavn, Føroya Fornminnissavn, Føroya Náttúrugripasavn og Havlívfrøðiliga Royndarstøðin løgd saman í Søvn Landsins, inntil søvnini vórðu býtt sundur aftur í tríggjar stovnar í 2018.